Arweinydd Gwirfoddol Taith Dywys Archeolegol

Darganfod chwedlau ac archeoleg yn Dinas Emrys

Cewch ddysgu am hanes Dinas Emrys ger Beddgelert ac hyfforddi i fod yn arweinydd ar grwp bychan o bobl.  Byddwch yn cyfleu yr hanes a tywys grwp i'r safle hanesyddol yma.  Darperir hyfforddiant llawn.

Canolfan Genedlaethol Cadw Gwenyn Cymru

Cynorthwydd ei angen i gwrdd a chyfarch ymwelwyr, helpu gyda trefniadau ymweld a'r cychod gwenyn, arddangos y cynyrch, delio gyda arian a chadw y safle yn lan a thaclus. Sgiliau cyfathrebu da yn angenrheidiol a'r parodrwydd i ddysgu am wenyn a sut i gadw gwenyn. 
(Mae'r cyfle yma wedi ei leoli yn Tal y Cafn, Conwy)

Cyngor ar Bopeth yn Pwllheli a Dolgellau

Mae Cyngor Ar Bopeth yn helpu pobl ddatrys eu problemau drwy ddarparu cyngor a gwybodaeth yn rhad ac am ddim.  Mae'r gwirfoddolwyr yn derbyn hyfforddiant llawn ar y system wybodaeth electronig.  Cysylltwch heddiw am fwy o wybodaeth. 

Pwll Nofio Harlech

Gwirfoddolwyr eu hangen i gynorthwyo gyda dysgu nofio, ‘aqua fit’, ‘swm fit’ a dringo i grwpiau o bobl o bob oed.  Hefyd maent angen help yn y caffi.

Achub y Plant

Mae siop Achub y Plant yn y Bermo wir angen gwirfoddolwyr newydd.  Os oes gennych ychydig o oriau i sbario galwch heibio i’n gweld.

ChildLine Cymru

Darparu Gwasanaeth Ysgolion ChildLine i blant ysgolion cynradd drwy ddefnyddio deunyddiau cyflwyno pwrpasol.  Gall hyn helpu plant i ddeall cam-drin yn well a’u galluogi i amddiffyn eu hunain.  Hyfforddiant llawn ar gael.

Cynorthwyo yng Nghaffi Hafan Bangor

Mae Age Cymru Gwynedd a Môn angen gwirfoddolwyr i helpu rheolwraig Caffi Hafan - y caffi sydd yn ymyl yr orsaf bysiau ym Mangor.   Bydd tasgau'r gwirfoddolwyr yn cynnwys paratoi a gweini diodydd a byrbrydau poeth ac oer, clirio'r byrddau a chadw'r caffi yn lân a thaclus. 

Cyfarfod a Gwrando

Allech chi wneud gwir wahaniaeth i bobl hŷn (50+) sy'n drwm eu clyw ac sy'n unig yn eu cymunedau?  Hoffech chi gyfarfod pobl debyg i chi a chael sgwrs dros banad?    Os felly, dyma gyfle i chi wirfoddoli gyda "Hear to Meet", sef prosiect newydd sydd er lles pobl drwm eu clyw ar draws Cymru.

Gwylwyr yr Arfordir

Mae'r National Coastwatch Institution  gyda dwy orsaf wylio (Porthdinllaen a Morfa Bychan), a gorsaf newydd fydd yn agor ym Mhwllheli yn 2013.  Mae angen gwirfoddolwyr i'w hyfforddi fel gwylwyr yr arfordir; i helpu gyda thasgau gweinyddol ac i godi arian.

CYMYDMAEN CYF – CANOLFAN FENTER GONG MEINCIAU BOTWNNOG

Cwmni Cymunedol sy’n gweithredu er lles cymunedau Pen Llŷn.  Maent angen cymorth gyda rhedeg ‘Siop Cynhyrchwyr Llŷn 100%’ drwy gyfarch ymwelwyr y siop, defnyddio til a gosod silffoedd. 

RHEILFFORDD FAIRBOURNE

Gwirfoddolwyr eu hangen i gadw y rheilffordd hanesyddol yma i fynd.  Help gyda amrywiaeth o dasgau yn cynnwys codi arian, caffi, peirianneg, gweinyddu, gwaith ymarferol allan yn yr awyr agored.

Hafal - Ty Adferiad

Yn cefnogi a grymuso pobl gyda cyflyrau iechyd meddwl dwys.

Cefnogwr gwirfoddol dan hyfforddiant eu hangen i roi help llaw yn Nhy Adferiad ym Mhorthmadog.  Fe fydd y wirfoddolwyr yn derbyn hyfforddiant ac yn cymryd rhan mewn amryw o weithgareddau gyda defnyddwyr y gwasanaeth yn ogystal a gwneud gwaith ty cyffredinol.
Cysylltwch heddiw am fwy o fanylion.

Helpu yng Nghaffi Canolfan Cyfiawnder Troseddol, Caernarfon

Mae'r caffi yn cael ei redeg gan Age Cymru er mwyn codi arian i helpu pobl hyn yn ein cymdeithas.

Y gwirfoddolwr i helpu drwy ddarparu bwyd, gweini diodydd poeth ac oer, cleirio byrddau a glanhau y llestri a cadw pobman yn lan a thaclus. Darperir hyfforddiant ar Hylendid Bwyd.

GEIDIAU CRICCIETH

Geidiau Criccieth

Mae'r Geidiau yn cyfarfod ar nos Iau a Gwener ar ôl ysgol.  Mae angen arweinydd cynorthwyol a/neu rywun allai helpu gyda gwaith crefft, gemau a gweithgareddau awyr agored.  Darperir Hyfforddiant da iawn.

NYAS (National Youth Advocacy Service)

Ymwelwyr Annibynnol

Mae NYAS yn elusen sydd yn darparu gwybodaeth, cyngor, eiriolaeth a chynrychiolaeth gyfreithiol i blant a phobl ifanc. Mae angen ymwelwyr annibynnol gwirfoddol i gyfeillio plentyn neu berson ifanc mewn gofal gyda'r nod o ddatblygu cyfeillgarwch tymor hir a pherthynas agos gydag oedolion. Byddai gwirfoddolwyr yn fodlon cymryd rhan mewn gweithgareddau o ddewis y plentyn (neu berson ifanc) ac yn ysgrifennu adroddiadau byr am yr ymweliadau.

Darperir hyfforddiant i wirfoddolwyr - sydd gyfwerth â NVQ lefel 3.  Byddai gofyn i'r gwirfoddolwr allu cynnig tua 3 awr y mis. 

Cyfeillion Ellis Wynne, Harlech

Cyfle gwych i dywys ymwelwyr o amgylch y Lasynys Fawr, Harlech.

Byddwch yn rhugl yn y Gymraeg ac yn hyderus i siarad yn gyhoeddus.  Mae gwybodaeth am Ellis Wynne/hanes Cymru yn fanteisiol ond darperir hyfforddiant o safon uchel ar hanes Elis Wynne.

Amser gofynnol 1-4 y p’nawn. 

Cymhorthydd Chwarae

Cymhorthydd Chwarae

Mae Fforwm Chwarae Gogledd Orllewin Cymru yn chwilio am wirfoddolwyr i oruchwylio a hwyluso plant (5 - 14) yn chwarae allan - gan gynorthwyo i greu awyrgylch dda a hwyliog. 

Yng Ngwynedd, mae'r cyfleoedd ar gael yng Nghricieth, Caernarfon a Llandderfel ar hyn o bryd.