Cofrestru Diddordeb

Os oes gennych ddiddordeb yn y cyfleoedd yma neu unrhyw gyfle arall cysylltwch â Carwyn, Gwenllian neu Ann yn y Ganolfan Gwirfoddoli ar:
01286 672626 / 01341 422575
neu llenwch y ffurflen Cofrestru Diddordeb

01/04/2016

Gwirfoddolwr Mentor Cyfoed – GISDA


Prif nôd y cyfle yma ydi:  cynorthwyo’r gweithwyr allweddol a cefnogol gyda thasgau dyddiol, cyfathrebu yn gyson gyda’r gweithwyr allweddol/cefnogol, rhannu unrhyw bryderon ynglŷn â defnyddwyr gwasanaeth a’r staff perthnasol, i fod yn llais i'r bobl ifanc mewn cyfarfodydd e.e. grŵp ffocws, cyfarfod trigolion, bod yn glust i'r bobl ifanc wrth gadw’n broffesiynol a rhannu gwybodaeth pam angen yn ôl canllawiau cyfrinachedd.  Hefyd annog a chefnogi pobl ifanc i:  Cael defnydd llawn o brosiectau a’r cynlluniau, i fynychu gweithgareddau a gwneud y mwyaf o’r cyfleoedd ar gael, i  ddatblygu a dysgu sgiliau newydd, i  fod yn iach, i  gyllidebu eu harian yn well, i  goelio yn eu hunain a hyrwyddo hunan hyder, i gyrraedd eu llawn botensial.  Am fanylion pellach cysylltwch â Mantell Gwynedd ar 01286 672626 neu gwirfoddoli@mantellgwynedd.com

Darparu Gwasanaeth Ysgolion NSPCC (ChildLine)


Mae Gwasanaeth Ysgolion NSPCC yn apelio am siaradwyr Cymraeg yn enwedig yng Ngwynedd i helpu i gyflwyno rhaglen arloesol i bob un ysgol gynradd leol yng Ngogledd Cymru. 

Mae Gwasanaeth Ysgolion ChildLine yn hyfforddi gwirfoddolwyr i ymweld ag ysgolion cynradd a thrafod cam-drin (gan gynnwys bwlio)gyda phlant rhwng 9 ac 11 oed mewn modd sy'n briodol i'w hoedran. Drwy wasanaethau ysgolion a gweithdai, mae'n rhoi'r sgiliau i bobl ifanc allu amddiffyn eu hunain ac mae'n esbonio ble i fynd i gael help.  Mae’r cyfle yma yn addas i wirfoddolwyr 16+ oed.  Am fwy o fanylion cysylltwch â Mantell Gwynedd ar 01286 672626 neu gwirfoddoli@mantellgwynedd.com

Gwirfoddolwr cyfeillio i berson ifanc - NYAS


Byddai'r gwirfoddolwr yn cyfeillio person ifanc yn y Bala, trwy eu cynorthwyo ac eu cefnogi i ddarganfod gweithgareddai yn y gymuned yn fisol.  Mae’r cyfle yn addas i wirfoddolwyr rhwng 18 – 65 oed.  Am fanylion pellach cysylltwch â Mantell Gwynedd ar 01286 672626 neu gwirfoddoli@mantellgwynedd.com

Trysorydd – Cylch Meithrin Seiont a Pheblig


 
Rheolir Cylchoedd Meithrin gan Bwyllgor sydd fel arfer yn cynnwys rhieni sy’n dod a gwahanol sgiliau i’r grwp. Mae Cylch Meithrin Seiont a Pheblig yn un o gylchoedd meithrin mwyaf Gwynedd gyda 52 o blant ar y cofrestr.

Ni fydd angen gwneud gwaith ‘payroll’ gan fod y Cylch yn talu Mudiad Meithrin i wneud hynny  ond bydd angen bod yn gyswllt â Adran Gyflogaeth Mudiad Meithrin yn fisol ar gyfer sicrhau fod cyflogau yn gywir bob mis.

Y prif ddyletswyddau fydd:  cyfrifon taclus, talu anfonebau dan gyfarwyddyd yr arweinydd, bod yn gyswllt gyda Dechrau’n Deg a Cyngor Gwynedd ynglyn â grantiau, darparu’r cyfrifon ar gyfer y cyfrifydd yn flynyddol.  Y cyfle yn addas i wirfoddolwyr oed 18+.  Am fwy o fanylion cysylltwch â Mantell Gwynedd ar 01286 672626 neu gwirfoddoli@mantellgwynedd.com

Gwirfoddolwyr digwyddiad Balchder Gogledd Cymru 2016


Mae Cymru Pride Wales angen gwirfoddolwyr ar gyfer eu digwyddiad Balchder Gogledd Cymru 2016. Cynhelir yr wyl dros benwythnos Gorffennaf 1af-3ydd 2016 draw yn Neuadd Hendre ar gyrion dinas Bangor. Mae nifer o gyfleoedd ar gyfer unigolion brwdfrydig a fyddai'n hoffi bod yn rhan o'r digwyddiad unigryw yma. Mae gennym amryw o gyfleoedd ar gael gan gynnwys cynorthwywyr maes parcio, cynorthwywyr maes gwersylla, cynorthwywyr y tîm adloniant (croesawu a thywys y cantorion i'r ŵyl a thasgau eraill), cynorthwywyr tîm y dderbynfa/croeso, gwirfoddolwyr holiadur - gofyn am adborth gan westeion yn ystod yr ŵyl gan sicrhau bod eu anghenion yn cael eu diwallu a'u bod yn mwynhau'r digwyddiad, a thasgau cyffredinol eraill. Ar y cyfan, byddwch yn teimlo'n rhan o dîm cyfeillgar ac yn cyfrannu tuag at lwyddiant pedwerydd digwyddiad Balchder Gogledd Cymru!  Y cyfle yn addas i wirfoddolwyr 18+ oed. 

Am fwy o wybodaeth cysylltwch â Mantell Gwynedd ar gwirfoddoli@mantellgwynedd.com neu ar 01286 672626

08/03/2016

Stepping Stones - Cydlynydd cymunedol (18+ oed)


 Trefnu a chydlynu gwirfoddolwyr a chefnogaeth gymunedol o fewn y gymuned. Cymryd rôl arweiniol wrth ddatblygu perthynas gyda busnesau, ysgolion a grwpiau cymunedol i godi ymwybyddiaeth a chefnogaeth yr elusen. Rydym yn chwilio am berson hyderus gyda sgiliau trefnu a phobl ardderchog, Byddai profiad o weithio mewn rôl debyg yn fanteisiol ond nid yn hanfodol. 

Am fanylion pellach, cysylltwch â Mantell Gwynedd ar 01286 672626 neu gwirfoddoli@mantellgwynedd.com

Stepping Stones - Gwirfoddolwyr casglu arian (18+ oed)


Cefnogi mentrau a digwyddiadau codi arian yn y gymuned i godi proffil yr elusen a rhoddion.

Helpu i sefydlu a staffio mewn cynadleddau. Gweithredu fel llysgennad i'r elusen o fewn y gymuned. Ardaloedd  Wrecsam, Sir Ddinbych, Sir y Fflint, Gwynedd, Conwy ac Ynys Môn. 

Am fanylion pellach cysylltwch â Mantell Gwynedd ar 01286 672626 neu gwirfoddoli@mantellgwynedd.com.

Gweithredu Dros Blant - Gwirfoddoli i brosiect gofalwyr ifanc


Rhai o agweddau o’r cyfle yma:

Cefnogaeth 1:1
Cefnogaeth grŵp
Cyfrifoldebau gweinyddol a swyddfa
Codi arian
Tripiau seibiant a gweithgareddau 

Mae’r cyfle gwirfoddol yma yn addas i berson oed 18+.  Am fanylion pellach cysylltwch â Mantell Gwynedd ar 01286 672626 neu gwirfoddoli@mantellgwynedd.com