Ymunwch â'r tîm i wneud amrywiaeth o weithgareddau cyffrous ar hyd a lled Parc Cenedlaethol Eryri. Mae'n gyfle i wneud ffrindiau newydd, cael hwyl a gwneud gwahaniaeth yn eich ardal leol chi. Trefnir o leiaf dri diwrnod o weithgareddau bob mis - sy'n cynnwys ambell ddiwrnod ar benwythnosau fel bo cyfle i bawb gymryd rhan.
Mae'r tasgau'n amrywio'n fisol - ond cynigir cyfleoedd i blannu coed, gwneud arolygon dolffiniaid a llamhidyddion, casglu sbwriel oddi ar yr Wyddfa ac ardaloedd eraill ledled y Parc Cenedlaethol, clirio chwyn megis rhododendron, arolygon dyfrgwn a chynnal a chadw llwybrau troed.
Am fwy o fanylion cysylltwch â Mantell Gwynedd ar 01286 672626 neu carwyn@mantellgwynedd.com
